قصة حياة البليروبين وازاى بتحصل ال jaundice

لما بتتكسر ال RBCs بيطلع
منها هيموجلوبين .. والهيموجلوبين يطلع منه البليروبين.
البليروبن اللى لسه طالع جديد ده بنسميه unconjugated
bilirubin (او اسم تانى Indirect
bilirubin) .
ال unconjugated bilirubin ده يفضل ماشى فى الدم لحد ما يوصل للكلية .
الكليه المفروض انها العضو المسئول عن
اخراج الفضلات من الدم .. لكن مع ذلك ماتقدرش تتخلص من ال unconjugated bilirubin ده وتنزله فى البول . ليه ؟؟؟؟ لسببين : اولا حجمه كبير ,,,,,,, ثانيا لا
يذوب فى الماء
!

طب ايه العمل ؟؟

تروح الكليه ترجعه للدم تانى حتى يوصل
للكبد
..
الكبد بقى ياخده ويعمله conjugation مع البروتينات وهنا يبقى اسمه Conjugated bilirubin او اسم تانى (Direct bilirubin )..
ال
conjugated bilirubin يمتاز ب
3 حجات
:
اولا : حجمه صغير
ثانيا : يذوب فى
الماء وبالتالى يسهل اخراجه
ثالثا : لونه غامق .

– المهم .. بعد ما الكبد حوله الى conjugated bilirubin هيفرزه بقى فى الامعاء عن طريق ال bile .

– يوصل الامعاء يلاقى البكتريا مستنياه علشان تحوله الى stercobilinogen.

– وهنا يقف ال stercobilinogen عند
مفترق طرق ولديه 3 اختيارات :

المصير الاول

يقعد زى ماهو فى الامعاء فتقوم البكتريا تتسلى عليه تانى وتحوله الى نوع تانى اسمه stercobilin وده اللى بيخلى لون البراز بنى .

المصير التانى

تلت الكمية الموجوده ترجع الكبد تانى .

المصير التالت

يروح الكلى .. فتقوم الكلى تنزله فى البول (وهنا يبقى اسمه urobilinogen ) وهو اصلا مالوش لون فلا يغير لون البول .

تعالوا بقى نتخيل ازاى بتحصل ال jaundice ؟؟؟

النوع الاول : obstructive jaundice :

السكه اللى مابين الكبد والامعاء اتسدت: معنى كده ان ال direct bilirubin مش هيعرف
ينزل فى الامعاء فالكبد هيرجعه للدم هيروح
يوصل للكلى فينزل فى البول وبما ان
لونه غامق فهيخلى لون البول غااااااااااامق .
وماتنساش برضو ان نسبة ال stercobilinogen هتقل فى
الامعاء (ودى اللى بتخلى لون البراز بنى ) فلون البراز هيبقى فاااااااااااتح .
لكن نسبة ال indirect زى ما هى مش هتتاثر .

النوع التانى : Hemolytic jaundice :

لما ال RBCs هتتكسر كتير اوى نسبة ال indirect bilirubin
هتزيد اوى اوى اوى فيروح الكبد ويعمله conjugation زى ما
قولنا وبعدين ينزل فى الامعاء وهكذا باقى القصه ..
لكن هنا نسبة ال indirect bilirubin عاليه اوى فكل حاجه هتزيد :

ال urobilinogen هيعلى وهينزل فى البول لكنه مش هيغير لون البول (لان لونه فاتح).
ال stercobilinogen هيعلى وهينزل فى البراز (وهو لونه غامق) فلون البراز هيبقى
غاااااااااامق
.

النوع التالت : Hepatocellular jaundice :

نجيب من الأخر هى مرحلة وسط ما بين ال Obstructive
jaundice وال Hemolytic jaundice
.
هنا الكبد تعبان .. فلو افتكرت دورة حياة البليروبين
ال
indirect bilirubin هيجى يدخل الكبد مش
هيعرف فهيزيد
.
شوية ال indirect bilirubin اللى دخلوا الكبد بصعوبه وحولهم الى Direct bilirubin هيجى يفرز فى الامعاء مش هيعرف (لان الهيباتوسايت ملتهبه فسادة السكه)
فنسبة ال
Direct برضو هتزيد .

طيب ايه اللى هيعلى اكتر ال direct ولا ال indirect ؟؟؟؟

ج/ اللي بيعلي أكتر ال direct
عشان دايما لما ال liver يبوظ أكتر عملية تتأثر هي ال excretion وليس ال uptake .

وده كان ملخص بسيط ازاي بتحصل الصفراء

اكتشف المزيد من

ايجي نيرسولوجي -EgyNursology

تابعنا ليصلك كل جديد

احمد رجب علي

مصطفي جمال

مروة خالد

لبني سعيد